你問我除左做鍵盤戰士之外，仲識做啲乜？
我會試圖去尋找真相。
我搵到香港同志遊行2017的其中一個籌委，了解「魔性廣告」的來龍去脈。
簡單點來說有以下幾點：
1. 大家都係義工，缺乏相關的項目管理經驗、時間規劃（俾designer時間不足）、亦缺乏市場策劃的人手，在極低限度運作的情況下，似乎是「出到街已經好好」。🤦🏼♂️🤦🏼♂️🤦🏼♂️
2. 贊助商多唔代表錢多，也不是個個贊助商俾錢，好天斬定落雨柴，有錢剩都要預俾下一屆。在如此缺乏資源的情況下，巧婦難為無米炊，何況佢地平時煮開黑暗料理？🤦🏼♂️🤦🏼♂️🤦🏼♂️
3. 遊行係表達政治訴求，但表達完政治訴求後會被cut贊助，無贊助又搞唔到遊行，真係一個世紀難題。我知，Pink dot係好好，政治正確又溫和，唱下歌除下衫影下相又一日，和理非非得黎又可以想入非非，好彩的話仲可以釣隻金龜返去磨你JJ，大家鍾意係好正常。但留意返，中國歷史上係無任何一次改革係靠唱下歌就解決到的，那怕是歐洲的同志運動，都係一班大姨媽衝出重圍、被成班警察圍堵著進行的。（題外話：你同我講那班變裝皇后大姨媽唔夠Man? 幾十個人同全個社會對著幹，咁都唔叫man唔通你嗰對韓國製假波叫man呀？）簡單點來說，Pink dot你可以當係大家一個休息時間，但你唔可能旨意pink dot能為你帶來太多實質的轉變。
如果想改變，我們還是要正正經經站出來，表達訴求的。而且，同志也不是那麼多像我又帥又聰明的（喂～在這場合也要推銷自己嗎？）有很多望落「唔decent」、「鬼五馬六」的同志，係弱勢中的弱勢，你不可能在pink dot裡看到他們，他們是配不起陽光的幽靈，每年只有這麼一次的機會讓社會看見他們。而很老實說，同志運動若果要成功的話，這批幽靈才是中流砥柱，英俊多金的陽光同志才不希罕什麼平權，他們有錢每個月飛一次泰國再飛台灣身心解放都仲得，但只有這班弱勢中的弱勢，他們沒能力走，亦無東西可以輸，才會跟你奮戰到底。
我知道同志遊行好唔grand、亦都好唔decent，但要是你真心希望這社會有所改變，11月25號星期六，站出來吧。要是你不好意思站出來，也可以旁觀；要是你連旁觀都不好意思，那就路過擺底廿蚊捐點錢吧。
至於我嘛... 下一次羅賓漢行動的善款，將會捐給香港同志遊行，就公器私用一次好了。
#但個標語依舊好柒
#義工唔係大曬架
#自己人都唔係大曬架
#下年搵個識marketing的同志入籌委啦好冇
#鬧還鬧都係要幫手
#唔通真係婊死佢咩
#和理非非無用架
#今天我
#仲俾人呃唔夠呀
#我今日和新同事們食飯
#食食下我提起我老公
#大家係零反應唔當一回事
#連眉都冇皺一下繼續傾計
#在英國職場出櫃很輕鬆
#香港距離這樣還差很遠
#同志仍須努力
Search